!..........BAANSAA SABA ISAA .........!

                                                                B/J/KAMAAL GALCHUU

                                                           Boochiisaa Alagaa
                                                           Boonsaa saba isaa
                                                           Umrii nuuf dheeradhuu
                                                           kan Sabni Siif Hawuu
                                                           Jennee si eebbifnee,
                                                           Yaa Kamaal Galchuu !
                                                           Hayyuu qaroo Sabaa
                                                           Manguddoo jaalalaa
                                                           Kutannoon kee hedduu
                                                           Kan ta'e maalalaa
                                                           Hanga bilisummaa sabaa
                                                           Ijaan argutti jettee
                                                           Umrii kankee kanaan
                                                           Boqonnaa hin filannee
                                                          Qabsoon laafte jettee
                                                          Takkaa hin hifannee
                                                          Bitaan sitti dhufanii
                                                          Mirgaan itti caaftee
                                                          Diina galtuu garaa
                                                          Afaan qabachiiftee,
                                                          Kanaaf si jaalannaa
                                                          Sabni kee argitee ?
                                                          Sodaa tokko malee
                                                          Oromummaan boontee
                                                          Sabni koo haa dhagahuu
                                                          Afaan isaatiin jettee
                                                          Hamma jaajii keenya
                                                          Gurratti gonfoo keettee
                                                          Raajiin si caqasuu,
                                                          Maal dubbataa laata ?
                                                         Jechaa odeeffatuu
                                                         Warri hin beekne lugaa !
                                                         Yaa'iin guutuun kolfee
                                                         Kuuni Ajaa"ibaa jedhee
                                                         Bar kabajaa qabdaa
                                                         Diina durattillee !
                                                         Fayyaan nuuf jiraadhu
                                                         Akka ilmaan gadamsaa
                                                         Gumaanni kee hedduu
                                                      Yaa B/J/Kamaal Galchuu !!!